Haurren aurrean Helduok heldu ekimenaren bigarren edizioa ere heldu da bukaerara. Baina, oraindik ere bada zuen artean ekintzak egiten jarraituko duenik ere (agendan ikus daitezke).
|
Animo azken txapan sartuta zaudetenei, baina, batez ere, eskerrik asko ekimenaren parte izan zareten guztioi!
|
Ekimena atzean utzi aurretik, ordea, ekimenaren balorazioa egin nahiko genuke, zuekin batera. Horretarako bi bide baliatuko ditugu:
|
- Balorazio inkesta laburra: Zenbait aspekturen inguruan, tokian toki, duzuen iritzia eta dituzuen inpresioak eta ekarpenak jasotzeko.
- Balorazio saioak. Galdetegitik ateratako emaitzetan oinarrituta, balorazio partekatuagoa, osatuagoa eta sakonagoa egiteko gunea prestatu eta eskainiko dizuegu.
|
Beraz, galdetegiko informazioa lagungarria izango da guretzako: batetik, ekimenaren inguruko ideia orokor bat egiteko, eta, bestetik, foro horiek antolatzeko.
|
Beraz, aukera baduzue, eskertuko genizueke bost minutu hartu eta galdetegia osatzea.
|
|
